स्वरोजगार बाबत 1 से 15 सितम्बर तकन जनपदों मा लगल कैम्प
स्वरोजगार बाबत 1 से 15 सितम्बर तकन जनपदों मा लगल कैम्प
*मुख्यमंत्री न स्वरोजगार योजनाओं की समीक्षा करी, निर्धारित लक्ष्यों तै बगत से पैल पूर कन बाबत निर्देश*
देहरादून । मुख्यमंत्री पुष्कर सिंह धामी न ब्वाल कि स्वरोजगार से ही आत्मनिर्भर भारत उद्देश्य पूर व्हे सकदू । मुख्यमंत्री न सचिवालय मा प्रदेश विभिन्न विभागों मा संचालित स्वरोजगार योजनाओं की समीक्षा करी कन तय लक्ष्यों तै निर्धारित समयावधि मा पूर कन निर्देश देन। विभिन्न योजनाओं तहत लोगू तै बैकों से लोन लीण मा क्वी समस्या न व्हाव, ये बाबत सब्बि बैंकर्स दगड़ी समन्वय सुनिश्चित करे जाव। लोगू तै स्वरोजगार से जुड़ना बाबत अर उकी विभिन्न समस्याओं क समाधान खातिर सब्बि जनपदों मा स्वरोजगार कुणी कैम्प लगये जाव। ये बाबत प्रत्येक जनपद मा मुख्य विकास अधिकारी तै नोडल अधिकारी बणये जाव।
रोजगार कैंप मा जिला स्तरीय अधिकारी अर बैंक अधिकारी केन्द्र व राज्य सरकार विभिन्न योजनाओं की जानकारी द्याल अर मौका पर ही लोगू की समस्याओं समाधान करल।
*1 से 15 सितम्बर तकन लगल जनपदों मा कैम्प*
मुख्यमंत्री पुष्कर सिंह धामी न अधिकारियूँ तै निर्देश देन कि 01 से 15 सितम्बर तकन जनपदों मा जू कैंप लगये जाल उमा जिलास्तरीय अधिकारी अर बैंक अधिकारी सभी आवेदनों क निस्तारण करी कन लोन स्वीकृति कार्यवाही सुनिश्चित करल।
लोन कुणी बैंकों मा मिल्या आवादनों जल्दी निस्तारण कुणी बैंक वरिष्ठ अधिकारी ब्रांच स्तर तक लगातार मॉनिटरिंग करो।
उन ब्वाल कि सब्बि योजना धरातल पर दिखयाण चयदिन। समाज आखिरी छोर पर खड़ू मनखी तक केन्द्र अर राज्य सरकार की जन कल्याणकारी योजनाएं पहुंचो, या हम सब्यूँ जिम्मेदारी च। योजनाओं क विभिन्न माध्यमों से व्यापक प्रचार प्रसार करे जाव। सरकार जनता द्वार पहुंची कन जन समस्याओं समाधान करली।
*प्रधानमंत्री क आत्मनिर्भर भारत अर वोकल फॉर लोकल मंत्र से खुलल समृद्धि द्वार*
मुख्यमंत्री न ब्वाल कि प्रधानमंत्री नरेंद्र मोदी जी क आत्मनिर्भर भारत अर वोकल फॉर लोकल मंत्र तै अपणे कन राज्य की प्रगति मा युवाओं की भागीदारी सुनिश्चित करे जै सकद। हमर युवाओं मा कौशल अर प्रतिभा की कमी नि च। हमर स्टार्ट-अप उद्योग की सफलता हमर युवाओं उत्साह तै दिखाद। स्वरोजगार से जुड़न व्हाल लोगू कुणी मार्केट उपलब्ध करवाण पर भी फोकस कन व्हाल। उत्पादों की उच्च गुणवत्ता पर भी ध्यान दीण की आवश्यकता च।
*स्वरोजगार बाबत विभागों तै दिए गेन लक्ष्य*
मुख्यमंत्री पुष्कर सिंह धामी न विभिन्न योजनाओं अन्तर्गत स्वरोजगार से संबंधित मुख्य विभागों तै लक्ष्य देन । ग्राम्य विकास विभाग, समाज कल्याण, कृषि, पशुपालन, शहरी विकास, उद्योग अर पर्यटन विभाग की समीक्षा करी। उन यूँ सब्बि विभागों तै लोगू तै स्वरोजगार से जुड़न कुणी ये साल टारगेट देन। ग्राम्य विकास विभाग तै 10 हजार, समाज कल्याण विभाग तै 1500, पशुपालन विभाग तै 04 हजार, शहरी विकास तै 26 हजार, उद्योग विभाग तै 4500 अर पर्यटन विभाग तै 500 का लक्ष्य द्याय। मुख्यमंत्री न ब्वाल कहा कि सब्बि विभाग विभिन्न योजनाओं माध्यम से लोगू तै स्वरोजगार से जुड़न बाबत कार्यवाही मा तेजी लाव। एक लाख से अधिक लोगू तै ये साल विभिन्न योजनाओं माध्यम से स्वरोजगार से जुड़े जाल। उन ब्वाल कि स्वरोजगार खातिर लोगू तै प्रेरित कन कुणी विभागों द्वारा सक्सेस स्टोरी बणये जाव अर लोगु तै जागरूक करे जाव।
*पोर्टल बेस्ड एप्रोच पर काम करो विभाग : मुख्य सचिव*
मुख्य सचिव डॉ. एस.एस. संधु न ब्वाल कि केन्द्र अर राज्य सरकार द्वारा चलये जाण व्हाल विभिन्न योजनाओं क्रियान्वयन मा होर तेजी लये जाव। योजनाओं तै जन-जन तक लाभ पहुंचो यी सब्बि अधिकारियों की सामुहिक जिम्मेदारी च। लाभार्थियों क आवेदनों की कमियूँ तै जल्दी निस्तारण करी कन उते योजनाओं लाभ दिये जाव। कार्यों मा तेजी लाण कुणी सब्बि विभाग पोर्टल बेस्ड एप्रेच पर काम करो।
बैठक मा अपर मुख्य सचिव आनंद बर्द्धन, प्रमुख सचिव एल फैनई, सचिव अमित नेगी, आर मीनाक्षी सुंदरम, शैलैश बगोली, राधिका झा, रंजीत सिन्हा सहित वरिष्ठ अधिकारी उपस्थित रैन।
