भली खबर : उत्तराखण्ड द्वी जिलौं मा शत प्रतिशम कोविड टीकाकरण, अगल चार मैना मा पूर प्रदेश मा शत प्रतिशत टीकाकरण लक्ष्य
उत्तराखण्ड मा पुष्कर सिंह धामी सरकार न कोविड टीकाकरण अभियान तहत बड़ी उपलब्धि हासिल करीं। प्रदेश 13 जिलौं मनन 02 जिलौं मा शत प्रतिशत कोविड वैक्सीनेशन व्हे ग्यायी, जबकि बाकि अधिकतर जिलौं मा तेजी से टीकाकरण अभियान चलणू छ। प्रदेश लिहाज से या बड़ी उपलब्धि छ कि पहाड़ी राज्य हूण बावजूद उत्तराखण्ड कोविड 19 वैक्सीनेशन क ये अभियान मा लगातार काम कना छ। पूर देश मा जख अजों तकन 50.70 प्रतिशत लोगू तै कोविड -19 की पैल डोज लगी वखी उत्तराखण्ड मा यी आंकड़ा 76 प्रतिशत से भी ज्यादा व्हे चुकी। वखी बागेश्वर अर रूद्रप्रयाग जिलौं मा पैल डोज टीकाकरण शत प्रतिशत व्हे चुकी।
08 जिलौं मा 80 प्रतिशत वैक्सीनेशन पूर
उत्तराखण्ड स्वास्थ्य सचिव अमित नेगी न बतै कि मुख्यमंत्री निर्देश पर पूर प्रदेश मा शत प्रतिशत कोविड टीकाकरण अभियान तै लेकन तेजी से प्रयास करयाणा छन। स्वास्थ्य सचिव नेगी न यी भी बतै कि बागेश्वर अर रूद्रप्रयाग मा पैली डोज शत प्रतिशम लक्ष्य तै पूर कन बाद दूसरी डोज कुणी भी तेजी से अभियान चलयाणा छ। उन यी भी बतै कि देहरादून, अल्मोड़ा, चम्पावत, पौड़ी, पिथौरागढ, टिहरी अर उत्तरकाशी मा भी 80 प्रतिशत से ज्यादा लोगू तैं कोविड वैक्सीन लग ग्यायी।
शत प्रतिशत टीकाकरण लक्ष्य
स्वास्थ्य विभाग आंकड़ौं हिसाब से 45 साल से ज्यादा उम्र लोगू तै 80 प्रतिशत तकन पैल डोज लग चुकी। जबकि दूसरी डोज भी लगभग 50 प्रतिशत लोगू तै लगी चुकी। येक अलावा प्रदेश मा 18 से 44 साल उम्र व्हाळ तै 65 प्रतिशत युवाऔं टीकाकरण करे जै चुकी। बतैं दिवा कि मुख्यमंत्री पुष्कर सिंह धामी नेतृत्व मा लगातार सरकार तेजी से कोविड-19 टीकाकरण अभियान मा गति दीण मा जुटीं। इलै कि मुख्यमंत्री न साफ बुल्यूं कि अगल कुछ मैनौं मा शत प्रतिशत कोविड टीकाकरण करण सरकार की अति प्राथमिकता च।
