डीएलएड प्रशिक्षितों कुणी आंदोलन करल उक्रांद
डीएलएड प्रशिक्षितों कुणी आंदोलन करल उक्रांद।
देहरादून । उत्तराखंड क्रांति दल न आज देहरादून शिक्षा निदेशालय मा आंदोलनरत डायट डीएलएड प्रशिक्षितों क धरना स्थल पर जैकन उन अपर समर्थन द्याय।
उत्तराखंड क्रांति दल नेता शिव प्रसाद सेमवाल क नेतृत्व मा डीएलएड प्रशिक्षितों एक प्रतिनिधिमंडल शिक्षा निदेशक से भी मिली।
उत्तराखंड क्रांति दल नेता शिवप्रसाद सेमवाल न ब्वाल कि सरकार की मंसा डायट डीएलएड तै ज्वाइनिंग दीण क नि च, ये कुणी उक मामला कोर्ट मा उलझे दिये ग्यायी । उन सरकार पर अनदेखी का आरोप लग कने ब्वाल कि एक तरफ सरकार 22,000 बेरोजगारों तै सरकारी नौकरी लगाण दावा कनी, वखि बेरोजगार पिछल 5 सालों से जॉइनिंग लेटर कुणी तरसणा छन।
यूकेडी नेता शिवप्रसाद सेमवाल न ब्वाल कि शिक्षा मंत्री यूँ प्रशिक्षित तै रोज नै आश्वासन दीणा छन , जबकि अधिकारी शासन तै गुमराह कना छन अर अर सरकार कोर्ट मा सही पैरवी कना। यूकेडी नेता वीरेंद्र रावत न मांग की कि डायट डीएलएड प्रशिक्षितों तै प्राथमिकता से नियुक्त दी जाणी चियाद ।
यूकेडी न शिक्षा विभाग तै ये पर उच्चाधिकारियों से विचार विमर्श कन कुणी द्वी दिन बगत दियूँ, वेक बाद आंदोलन उग्र कन पर विचार करे जाल। यूकेडी युवा मोर्चा की जिलाध्यक्ष सीमा रावत न आंदोलन रत प्रशिक्षितों हर सहयोग क आश्वासन द्याय।
