धामी सरकार सराहनीय पहल, 4000 सक्रिय वन पंचायतौं खाता मा सीध पौंछली 01 लाख तक धनराशि, स्थानीय रैवासियूं तै मिलल लाभ
देहरादूनः उत्तराखण्ड मा पॉच हजार वन पंचायतौं अर ईको समितियूं मनन सक्रिय चार हजार वन पंचायतौं खाता मा एक लाख रूपये तक की धनराशि सीध डळे जाली। जैसे वन संरक्षण काम अर जंगळ आग पर रोक लगाण मा मदद मिलली। ये से स्थानीय लोगू तै रोजगार क मौका उपलब्ध ह्वाल।
बैठक मा वन विकास से जुड़या योजनाओं, सेवा नियमावली, पदोन्नति मां शिथिलीकरण अर अन्य विषयौं पर चर्चा करे ग्यायी। मुख्य वन संरक्षक, अनुश्रवण, अर मूल्यांकन न बतै कि ये साल पौधारोपण तहत अजों तकन तीन हजार हैक्टेयर क्षेत्र मा लगभग 30.35 लाख पौधा रोपण करये गीन। येक अलावा हरेला पर्व उपलक्ष मा कुल 8.75 लाख पौधा लगाण लक्ष्य निर्धारित करे ग्यायी। वन मंत्री न निर्देश देन कि पौधारोपण कार्यक्रम तै विशेष अभियान रूप मा चलये जाव। ये काम मा विधायक मंत्री अर जन प्रतिनिधियूं तै भी शामिल करे जाल।
वन सेवा चयन समिति गठन प्रस्ताव तैयार करो अफसर
वन मुख्यालय स्थ्ति मंथन सभागार मा विभागीय अधिकारियूं दगड़ी शुक्रवार दगड़ी शुक्रवार कुणी हुई समीक्षा बैठक मा वन मंत्री हरक सिंह न निर्देश देन कि वन विभाग मा वन आरक्षी, वन दरोगा,, उप वन रेंजर वन क्षेत्राधिकारी, सहायक वन संरक्षक अर अन्य जू भी पद रिक्त छन उं पदौं तै विशेष अभियान चलैकन भरे जाव, जैसे कर्मचारियों तै पदोन्नति लाभ मिलौ अर विभागीय काम प्रभावशाली ढंग से पूर करे जै सक्याव। वन मंत्री न वन सेवा से ंसबंधित अधीनस्थ पदौं पर भर्ती बाबत वन सेवा चयन समिति गठन भी प्रस्ताव तैयार कन निर्देश देन, जैसे खाली पदौं पर रिक्त पदौं पर कर्मचारियों की नियुक्ति ह्वे सको। बैठक मा प्रमुख वन संरक्ष, राजीव भरतरी, प्रमुख वन संरक्षक, (वन पंचायत) ज्योत्सना शिथलिंग , प्रमुख वन संरक्षक, विनोद सिंघल, चीफ वाईल्ड लाईफ वार्डन जेएस सुहाग, मुख्य वन संरक्षक गढवाल सुशांत पटनायक, प्रबंध निदेशक, वन विकास निगम, होर भी मौजूद रैन
