चम्पावत मा मुख्यमंत्री धामी न गिनाई सरकार उपलब्धियां, ब्वाल जन अपेक्षाओं क अनुरूप हूँणा उत्तराखंड विकास
चम्पावत मा मुख्यमंत्री धामी न गिनाई सरकार उपलब्धियां, ब्वाल जन अपेक्षाओं क अनुरूप हूँणा उत्तराखंड विकास।
देहरादून । मुख्यमंत्री पुष्कर सिंह धामी न आज जनपद चम्पावत क अमोडी मा निर्माणाधीन डिग्री कॉलेज क निरीक्षण करी। निरीक्षण कार्यक्रम मा पहुंची मुख्यमंत्री क पारंपरिक संगीत क दगड़ी कॉलेज छात्राओं न पीठै लगे कन आवा भगत करी । मुख्यमंत्री पुष्कर सिंह धामी, कैबिनेट मंत्री धन सिंह रावत, सांसद अजय टम्टा अर विधायक कैलाश गहतोड़ी न दिवा बाळी कन उरयूं कार्यक्रम शुभारंभ करी।
मुख्यमंत्री पुष्कर सिंह धामी न कार्यक्रम तै संबोधित करी कन ब्वाल जन अपेक्षाओं क सम्मान करी कन उ राज्य की सेवा मा पूर समर्पण अर लगन दगड़ी हमेशा तत्पर रल। उन ब्वाल कि जौ कामो की घोषणा करे जाली उ सब्बि तै पूर भी करे जाल।
मुख्यमंत्री न ब्वाल कि प्रदेश क विभिन्न विभागों मा लगभग 22 से 24 हजार रिक्त पदों अर बैकलॉग की रिक्तियों पर भर्ती कन निर्णय लियाल। सिर्फ सरकारी नौकरी ही हम युवाओं तै स्वरोजगार योजनाओं से जुड़ना पर ध्यान दीणा छन। उन ब्वाल कि स्वरोजगार कार्यक्रमों तहत लगभग 1 लाख लोगों तै रोजगार से जुड़े जाल, उत्तराखण्ड क युवा तै रोजगार मगण व्हॉल ना बल्कि रोजगार दीण व्हाल बणये जाल। उन ब्वाल कि लोक सेवा आयोग, संघ लोक सेवा आयोग, एन.डी.ए, सीडीएस आदि प्रतियोगिता की प्रारम्भिक परीक्षा पास कन व्हाल युवाओं तै मेन परीक्षा की तैयारी कुणी 50 हजार की धनराशि प्रदान कन निर्णय करे ग्यायी।
मुख्यमंत्री पुष्कर सिंह धामी न ब्वाल कि राष्ट्रीय स्तर पर स्वीकृत 12 आदर्श महाविद्यालयों मनन से एक उत्तराखण्ड क देवीधुरा मा बणी कन तैयार व्हे चुकी। कोरोना योद्धाओं की प्रशंसा करी कन उन ब्वाल कि सरकार न 205 करोड़ क पैकेज कोरोना योद्धाओं क कुणी जारी करी। उन वात्सल्य योजना बाबत बते कि कोरोना काल मा निराश्रित हुया बच्चों तै अब सरकार प्रतिमाह 3000 हजार रुपये उक भरण पोषण कुणी व्हैली । कोरोना की सम्भावित तीसरी लहर तै देखि कन सब्बि आवश्यक व्यवस्थायें सुनिश्चित करे ग्यायी। उ लोगों से कोरोना प्रति जागरूक रण की भी अपील करि। उन ब्वाल कि भारत नेट से गाँव गाँव तकन इंटरनेट की उपलब्धता सुनिश्चित करे जाली।
ये मौका पर जिलाधिकारी विनीत तोमर, पुलिस अधीक्षक लोकेश्वर सिंह, मुख्य विकास अधिकारी राजेंद्र सिंह रावत, एसडीएम हिमांशु कफल्टिया सहित स्थानीय जनप्रतिनिधि भी उपस्थित छ्यायी।
