अनिल बलूनी ब्वाल, केजरीवाल जी फ्री फ्री क फार्मूले से उत्तराखंड मा सत्ता क दिन मा सुपीन नि द्याखो, दिल्ली मा पैल हुई वादों हवा फुस्स
अनिल बलूनी ब्वाल, केजरीवाल जी फ्री फ्री क फार्मूले से उत्तराखंड मा सत्ता क दिन मा सुपीन नि द्याखो, दिल्ली मा पैल हुई वादों हवा फुस्स।
नई दिल्ली । उत्तराखंड बिटी राज्यसभा सांसद अर भारतीय जनता पार्टी क राष्ट्रीय मीडिया प्रमुख अनिल बलूनी न केजरीवाल क उत्तराखंड दौरे पर टिप्पणी करी कन ब्वाल कि केजरीवाल जी तै पैल दिल्ली की जनता कुणी कर्या वादों पर पर स्पष्टीकरण दीण चियाँद।
सांसद बलूनी न ब्वाल कि अरिवंद केजरीवाल न दिल्ली मा फ्री बिजली क वायदा करी छ्यायी मगर हर बिल दगड़ी सरचार्ज, एनर्जी चार्ज, फिक्स चार्ज क नाम पर हर उपभोक्ता से पैसा वसूलणा छन। मुफ्त पाणी घोषणा कन ह्वाल केजरीवाल टैंकरों से पाणी पिलाणा छन। मोहल्ला क्लीनिक की सच्चाई कोरोना काल मा जगजाहिर हुई च। आपन दिल्ली मा क्वी नै अस्पताल नि खोली। स्कूलों तै लेक करयू प्रचार हवाई साबित ह्वाई।
केजरीवाल जी उत्तराखंड क जनता जागरूक जनता च। केवल फ्री फ्री क फार्मूले से आप सत्ता क सुपीन दिन मा नि द्याखो। देवभूमि जनता आपक दिल्ली क कार्यकाल तै नजदीक से दिखणी छ।
सांसद बलूनी न ब्वाल कि सीसीटीवी महिला सुरक्षा जणी मुद्दों पर 1 इंच भी एथर नि बढ़ण आपक चुनावी हथकंडों तै उजागर ह्वे चुकी। काठ की हांडी बार-बार नि चढ़दी।
अनिल बलूनी न ब्वाल कि हम तै लगी छ्यायी कि केजरीवाल जी दिल्ली क झूठ क देवभूमि मा प्रायश्चित करल पर आपन एक कदम होर एथर बढ़ी कन वोट बाबत चुनावी दाणा डलण एक परिपक्व जनमानस ह्वाल प्रदेश मा असफल प्रयास करी। उत्तराखंड जनता राष्ट्रीय मुख्यधारा क हिसाब से सूचणी छ अर उ मानकों पर तुम सदनी राष्ट्र विरोधियों क दगड़ी खड़े नजर अवा।
